జిల్లాలో నెల రోజుల పాటు నిర్వహించిన జి ఎస్ టి 2.0 అవగాహన కార్యక్రమాలు

నేడే (అక్టోబర్ 19) పండుగ వాతావరణంలో సూపర్ జి ఎస్ టి – సూపర్ సేవింగ్స్ అవగాహన కార్యక్రమం ముగింపు ఉత్సవాలు

కాస్మోపాలిటన్ క్లబ్ భీమవరం సూపర్ జీఎస్టీ బెన్ఫిట్ బజార్ బజార్ నందు సాయంత్రం 5 గంటలకు ప్రారంభం

సాంస్కృతిక కార్యక్రమాలు, దియా ఫెస్టివల్ నిర్వహణ

–జిల్లా కలెక్టర్ చదలవాడ నాగరాణి

కేంద్ర ప్రభుత్వం జి ఎస్ టి 2.0 లో ద్వారా తీసుకువచ్చిన సంస్కారణలో భాగంగా వినియోగదారులకు కలిగే ప్రయోజనాల పై నెల రోజుల పాటు జిల్లాలో నిర్వహించిన సూపర్ జి ఎస్ టి – సూపర్ సేవింగ్స్ కార్యక్రమం ముగింపు సభ అక్టోబర్ 19న పెద్ద ఎత్తున నిర్వహించడం జరుగుతుందని జిల్లా కలెక్టర్ చదలవాడ నాగరాణి తెలిపారు. కేంద్ర ప్రభుత్వం ప్రవేశపెట్టిన జి ఎస్ టి 2.0 ల ద్వారా ధరలు చాలా తగ్గడం ద్వారా వినియోగదారునికి ఊరట కలిగిందన్నారు. ధరల తగ్గింపు వివరాల పై ప్రజలకు అవగాహన కలిగించడానికి కేంద్ర, రాష్ట్ర ప్రభుత్వాల ఆదేశాలతో సూపర్ జి ఎస్ టి – సూపర్ సేవింగ్స్ ద్వారా వివిధ ప్రభుత్వ శాఖల ఆధ్వర్యంలో కార్యక్రమాలు, ర్యాలీలు నిర్వహించడం జరిగిందన్నారు. ఈ కార్యక్రమానికి సంబంధించి ముగింపు సందర్భంగా భీమవరం కాస్మోపాలిటన్ క్లబ్ నందు జిల్లా యంత్రాంగంచే ఏర్పాటుచేసిన భీమవరం సూపర్ జిఎస్టి బెన్ఫిట్ బజార్ నందు వాణిజ్య పనుల శాఖ ఆధ్వర్యంలో పండుగ వాతావరణంలో వివిధ వాణిజ్య స్టాల్స్ ఏర్పాటు, సాంస్కృతిక కార్యక్రమాల నిర్వహణ ఉంటుందన్నారు. రేపు అక్టోబర్ 19 సాయంత్రం 5.00 గంటలకు ముగింపు ఉత్సవాలు ప్రారంభమవుతాయని, అందరూ ఆహ్వానితులే అని తెలిపారు. ఇందుకు సంబంధించి అధికారులకు విధులు కేటాయించడం జరిగిందని, అధికారులు వివిధ వర్తక వ్యాపారులతో సమన్వయం చేసుకుని కార్యక్రమాన్ని విజయవంతం చేయాలని తెలిపారు. కార్యక్రమం నిర్వహణ పై ప్రజల్లో విస్తృత ప్రచారం కల్పించి అధిక సంఖ్య లో ప్రజలు పాల్గొనేలా చూడాలని సంబంధిత అధికారులకు సూచించారు.