రెండు పిఆర్సిలు అయినా పే ఫిక్సేషన్ కానీ కేసును ఏ.జి సిబ్బంది పరిశీలనలో తెలుసుకొని పరిష్కరించి రివైజ్డ్ పెన్షన్ పేపర్లను ఫ్యామిలీ పెన్షనర్ కు నేడు పెన్షన్ అదాలత్ లో అందజేత–జిల్లా కలెక్టర్ చదలవాడ నాగరాణి

రాష్ట్ర ఏజీ కార్యాలయం పశ్చిమగోదావరి జిల్లా ఉద్యోగుల చెంతకు..

ఏజీ కార్యాలయం జిల్లాలో పర్యటించి తీసుకున్న చర్యలు సత్ఫలితాలను ఇస్తున్నాయి..

ఎన్నో సంవత్సరాలుగా పెండింగ్ లో ఉన్న పెన్షన్, జిపిఎఫ్ కేసులు సత్వర పరిష్కారంతో ఉద్యోగులు, విశ్రాంత ఉద్యోగులలో ఆనందం

ఉద్యోగుల చెంతకే రాష్ట్ర అకౌంటెంట్ జనరల్ కార్యాలయం రావడం, దీర్ఘకాలికంగా అపరిష్కృతంగా ఉన్న కేసులను పరిష్కరించడం ఎంతో సంతోషించదగిన విషయమని జిల్లా కలెక్టర్ చదలవాడ నాగరాణి అన్నారు.

శుక్రవారం భీమవరం ఎస్ ఆర్ కె ఆర్ ఇంజనీరింగ్ కళాశాలలో జిల్లా యంత్రాంగం రాష్ట్ర ఏజీ కార్యాలయం అధికారులతో ఏర్పాటుచేసిన “జిపిఎఫ్, పెన్షన్ అదాలత్ కార్యక్రమాన్ని ఏపీ ప్రిన్సిపల్ అకౌంటెంట్ జనరల్ ఎస్.శాంతి ప్రియ, జిల్లా కలెక్టర్ చదలవాడ నాగరాణి జ్యోతిని వెలిగించి ప్రారంభించారు.

ఈ సందర్భంగా రాష్ట్ర అకౌంటెంట్ జనరల్ కార్యాలయం ప్రిన్సిపల్ అకౌంటెంట్ జనరల్ ఎస్.శాంతి ప్రియ మాట్లాడుతూ సర్వీసులో ఉన్న, పదవీ విరమణ చేసిన ఉద్యోగుల సమస్యల పరిష్కారానికి నిరంతరం పనిచేస్తున్నామని అందులో భాగంగా మరింత మెరుగైన సేవలు అందించేందుకు ఉద్యోగుల చెంతకె వచ్చే కార్యక్రమం చేపట్టామన్నారు. ఇందులో భాగంగా నేడు పశ్చిమగోదావరి జిల్లాలో పెన్షన్ అదాలత్ నిర్వహించుకుంటున్నామన్నారు. ప్రతి నెల ఏజీ బృందం ఆయా జిల్లాలకు రావడం జరుగుతుందని వారి వద్ద సమస్యలు పరిష్కరించుకోవచ్చు అన్నారు. ఈరోజు విడుదల చేసిన బ్రోచర్ అనుసరించి అన్ని నియమ నిబంధనల ప్రకారం పెన్షన్ ప్రతిపాదనలు తమ కార్యాలయానికి సమర్పిస్తే నెల రోజుల లోపుగానే మంజూరు పత్రాలు పంపడం జరుగుతుందన్నారు.

జిల్లా కలెక్టర్ చదలవాడ నాగరాణి మాట్లాడుతూ జిల్లాలో పెన్షన్ అదాలత్ నిర్వహించడం ద్వారా సర్వీసులో ఉన్న ఉద్యోగులకు, విశ్రాంత ఉద్యోగుల సమస్యల పరిష్కారానికి ఎంతో ఉపయోగంగా ఉంటుందన్నారు. ఇటువంటి కార్యక్రమాన్ని పశ్చిమగోదావరి జిల్లాను ఎంపిక చేసి నిర్వహించడం చాలా ఆనందించదగిన విషయం అన్నారు. ఈ పెన్షన్ అదాలత్ నిర్వహణ ద్వారా డి డి వో లు, ట్రెజరీ అధికారులు మరింత నైపుణ్యాన్ని పెంచుకొని ఉద్యోగుల పెన్షన్లు, జిపిఎఫ్ సంబంధించిన సమస్యలను సత్వరమే పరిష్కరించుకోవడానికి వీలవుతుందన్నారు. ఈ పెన్షన్ అదాలత్ కార్యక్రమంలో 35 మంది ఉద్యోగులకు పింఛన్ మంజూరు పత్రాలను అందించడం జరిగింది అన్నారు. అదేవిధంగా పింఛన్ సమస్యలపై పరిష్కారానికి ఏర్పాటు చేసిన కౌంటర్లో 20 మంది దరఖాస్తు చేసుకోగా 15 సమస్యలను అక్కడికక్కడే పరిష్కరించడం జరిగిందన్నారు. జిపిఎఫ్ సమస్యలకు సంబంధించి 55 మంది దరఖాస్తు చేసుకున్నారన్నారు. ఉద్యోగులు తమ సమస్యలను అదాలత్ లో పరిష్కరించుకోవాలన్నారు.

డిప్యూటీ అకౌంటెంట్ జనరల్ మిస్.ఎన్. ఆశ్రిత పట్నాయక్ మాట్లాడుతూ ఉద్యోగుల హక్కులకు రక్షణ కల్పించడమే మా ప్రధాన లక్ష్యం అన్నారు. అదాలత్ ద్వారా 24 గంటలు మీ హక్కులను మీకు అందించడానికి పనిచేస్తున్నామన్నారు. మీ హక్కు- మీసేవ కార్యక్రమం ద్వారా కేసుల పరిష్కారానికి జిల్లాలో పర్యటిస్తున్నట్లు తెలిపారు. అదాలత్ లోనే కాకుండా ప్రతినెల మూడు రోజులు జిల్లాలలో హెల్ప్ డెస్కులు పెట్టాలని నిర్ణయించుకున్నామని, ఆయా రోజులలో మీ సమస్యలను హెల్ప్ డెస్క్ కు తీసుకువచ్చి పరిష్కరించుకోవచ్చు అన్నారు.

రాష్ట్ర ఖజానా మరియు లెక్కల అధికారి డా.ఎన్.మోహన రావు మాట్లాడుతూ పెన్షన్ ప్రతిపాదనల సమర్పణలో త్వరలో పలుమార్పులు చేస్తూ ఫైనాన్స్ శాఖ ద్వారా జీవో రాబోతున్నదని, ప్రస్తుతం 20 పేజీలు వరకు ఉన్న పింఛను ప్రతిపాదనలను రెండు మూడు పేజీలకే పరిమితం చేసి ఆన్లైన్లో ఉద్యోగి పెన్షన్ ప్రతిపాదనలు సమర్పించుకోవచ్చు అన్నారు. అదేవిధంగా జిపిఎఫ్ స్లిప్పు వచ్చిన తర్వాత మాత్రమే బ్యాలెన్స్ తెలిసేదని దీనిలో కూడా మార్పులు తీసుకురాబోతున్నామని ఉద్యోగి ఎప్పుడైనా జిపిఎఫ్ బ్యాలెన్స్ తెలుసుకొనే విధానం రాబోతుందన్నారు. ఈ సందర్భంగా ఉద్యోగులు పెన్షన్ మంజూరు ప్రతిపాదనల సమర్పణ సమయంలో అధికారులు, ఉద్యోగులు తీసుకోవలసిన జాగ్రత్తలపై అధికారులకు పవర్ పాయింట్ ప్రజెంటేషన్ ద్వారా తెలియజేశారు.

అనంతరం ఏపీ ప్రిన్సిపల్ అకౌంటెంట్ జనరల్ ఎస్.శాంతి ప్రియ, సీనియర్ డిప్యూటీ అకౌంటెంట్ జనరల్ ఎస్.కౌశల్ కార్తీక్, డిప్యూటీ అకౌంటెంట్ జనరల్ మిస్.ఎన్.ఆశ్రిత పట్నాయక్, రాష్ట్ర ఖజానా మరియు లెక్కల అధికారి డా.ఎన్.మోహన రావులను జిల్లా ట్రెజరీ అధికారులు పుష్పగుచ్చాలు అందించి దృశ్యాలువాతో ఘనంగా సత్కరించారు.

ఈ కార్యక్రమంలో డిఆర్ఓ బి.శివన్నారాయణ రెడ్డి, ఎ.జి కార్యాలయం సీనియర్ అకౌంట్స్ ఆఫీసర్లు టి.విజయ కుమార్, ఎస్. బాలాజీ, కే.లక్ష్మి విజయ దుర్గ, ఎస్.నాగ మురళి, జిల్లా ఖజానా అధికారి మహ్మద్ మల్హర్ బేగ్, జిల్లా ఆడిట్ అధికారి ఎస్.మధు బాబు, అసిస్టెంట్ అకౌంట్ ఆఫీసర్లు కే.ఆశిష్, అరుణ్ వ్యాసరాజు, ఎస్.కే.జకీర్, ఎం.నరేంద్ర, అషేర్, సుమని, కే సందీప్, జిల్లాలోని వివిధ శాఖల అధికారులు, ట్రెజరీ అధికారులు, ఉద్యోగులు, విశ్రాంతి ఉద్యోగులు, టీచర్లు, తదితరులు పాల్గొన్నారు.