ఉద్యోగులు, విశ్రాంత ఉద్యోగులు జిపిఎఫ్, పెన్షన్ కేసుల పరిష్కారానికి అంది వచ్చిన అవకాశాన్ని సద్వినియోగం చేసుకోవాలని జిల్లా కలెక్టర్ చదలవాడ నాగరాణి అన్నారు.

గురువారం భీమవరం కలెక్టరేట్ పీజిఆర్ఎస్ సమావేశ మందిరం నందు జిల్లా యంత్రాంగం ఆధ్వర్యంలో వివిధ శాఖల డిడిఓలకు రాష్ట్రస్థాయి అధికారులతో ఏర్పాటుచేసిన పెన్షన్, జిపిఎఫ్ కేసుల సమీక్ష సమావేశానికి రాష్ట్రస్థాయి అధికారులు.. ఎ.పి ప్రిన్సిపల్ అకౌంట్ జనరల్ ఎస్.శాంతి ప్రియ, సీనియర్ డిప్యూటీ అకౌంటెంట్ జనరల్ ఎస్.కౌశల్ కార్తీక్, డిప్యూటీ అకౌంటెంట్ జనరల్ మిస్.ఎన్.ఆశ్రిత పట్నాయక్, రాష్ట్ర ఖజానా మరియు లెక్కల అధికారి డా.ఎన్.మోహన రావు ముఖ్య అతిథులుగా పాల్గొన్నారు.

ఎ.పి ప్రిన్సిపల్ అకౌంట్ జనరల్ ఎస్.శాంతి ప్రియ మాట్లాడుతూ అకౌంటింగ్, బిల్స్ కు సంబంధించిన అన్ని విషయాలలో డిడివోలు పూర్తి అవగాహన కలిగి ఉండాలన్నారు. బిల్స్ సమర్పించేటప్పుడు ప్రొసీజర్ ప్రకారం విధిగా సమర్పించాలన్నారు వార్షిక బడ్జెట్ ఎస్టిమేషన్ సమర్పించేటప్పుడు జాగ్రత్త వహించాలని సూచించారు. ప్రభుత్వ వ్యయం నిర్వహణలో డిడివోలు మొదటి వరుస జవాబుదారీతనం కలిగి ఉంటారన్నారు. అలాగే కార్యాలయాలు, ట్రెజరీలు, అకౌంటెంట్ జనరల్ కార్యాలయాల మధ్య డిడివోలు కీలకంగా ఉంటారు అన్నారు. రాష్ట్ర ఎజి కార్యాలయం గ్రాస్‌రూట్స్‌లో అకౌంటింగ్‌ను బలోపేతం చేయడం అనే బ్రోచర్‌ను డ్రాయింగ్ మరియు డిస్బర్సింగ్ ఆఫీసర్లు ఆర్థిక నిర్వహణలో వారి కీలక పాత్ర” గురించి వారికి అవగాహన కల్పించడం లక్ష్యంగా బుక్ లెట్ ను రూపొందించడం జరిగిందన్నారు. ఈ బుక్లెట్ ద్వారా బడ్జెట్ తయారీ, బిల్లుల ప్రాసెసింగ్, అకౌంటింగ్ సమస్యలు, పిడి ఖాతాల నిర్వహణ, రుణాలు, రికవరీల చికిత్స, అలాగే జీఎస్టీ-టీడీఎస్, ఐటీ – టిడిఎస్ వంటి చట్టబద్ధమైన తగ్గింపులపై తగ్గింపులపై ముఖ్యమైన మార్గదర్శకాలను ఉదహరించడం జరిగిందన్నారు. దీని ద్వారా రోజు రోజువారి ఆర్థిక లావాదేవీలు నిర్వహణ, ఆడిట్ లోపాలను సరిదిద్దుకోవడానికి ఉపయోగంగా ఉంటుందన్నారు.

ఈ సందర్భంగా జిల్లా కలెక్టర్ చదలవాడ నాగరాణి మాట్లాడుతూ జిల్లాలో ఈ కార్యక్రమం నిర్వహించడం ద్వారా సర్వీసులో ఉన్న ఉద్యోగులకు, విశ్రాంత ఉద్యోగుల సమస్యల పరిష్కారానికి ఎంతో ఉపయోగంగా ఉంటుందన్నారు. ఇటువంటి కార్యక్రమాన్ని పశ్చిమగోదావరి జిల్లాను ఎంపిక చేసిన నిర్వహించడం చాలా ఆనందించదగిన విషయం అన్నారు. జిల్లాలోని డీడీవోలు ఈ అవకాశం సద్వినియోగం చేసుకోవాలన్నారు. అక్టోబర్ 9, 10 తేదీలలో జిల్లాలో నిర్వహిస్తున్న కార్యక్రమాలకు జిల్లా యంత్రాంగం తరపున తరఫున ఎపి అకౌంటెంట్ జనరల్ కార్యాలయం రాష్ట్రస్థాయి అధికారులకు పూర్తి సహాయ సహకారాలు అందిస్తామని ఈ సందర్భంగా తెలిపారు. రేపు అక్టోబర్ 10వ తేది ఉదయం 10 గంటలకు భీమవరం ఎస్ ఆర్ కె ఆర్ ఇంజనీరింగ్ కళాశాల ఆడిటోరియం నందు నిర్వహించే “పెన్షన్ అదాలత్” ను డిడివోలు, ఉద్యోగులు, విశ్రాంత ఉద్యోగులు సద్వినియోగం చేసుకొని కార్యక్రమాన్ని విజయవంతం చేయాలని కోరారు.