రీ సర్వేలో వచ్చిన ప్రతి పిటిషన్ క్షుణ్ణంగా పరిశీలించి పరిష్కరించాలని జిల్లా జాయింట్ కలెక్టర్ టి.రాహుల్ కుమార్ రెడ్డి సంబంధిత అధికారులను ఆదేశించారు

రీ సర్వే ఫేజ్ -2 లో ఉండి మండలం పాందువ్వ గ్రామానికి చెందిన 675 రైతుల భూములలో రీ సర్వే నిర్వహించగా 225 మంది రైతుల నుండి విస్తీర్ణంలో తేడాలు వచ్చాయని అప్పీల్ చేసుకోగా, దీనిపై జిల్లా జాయింట్ కలెక్టర్ టి.రాహుల్ కుమార్ రెడ్డి శుక్రవారం పాందువ్వ గ్రామ సచివాలయం వద్ద గ్రామ సభను నిర్వహించారు.

ఈ సందర్భంగా జిల్లా జాయింట్ కలెక్టర్ రాహుల్ కుమార్ రెడ్డి మాట్లాడుతూ గ్రామంలో 675 మంది రైతులకు భూములు ఉండగా 225 రైతుల నుండి వచ్చిన ఆపిళ్లు పై జిల్లా జాయింట్ కలెక్టర్ రాహుల్ కుమార్ రెడ్డి సంబంధిత అధికారులను వివరాలు అడిగి తెలుసుకున్నారు. పెద్ద మొత్తంలో ఆపీళ్లు రావడం వలన ప్రతి పిటిషన్ ను శ్రద్ధగా పరిశీలించి పరిష్కారం చేయాలని సంబంధిత అధికారులను ఆదేశించారు. గ్రామంలోని మొత్తం 675 మంది రైతులు వద్ద ఏవిధమైన అభ్యంతరాలు ఉన్న తెలియజేయాలని కోరారు. మ్యుటేషన్లు చేయకపోవడంతో త్వరగా మ్యుటేషనులు పూర్తిచేయాలని వీ ఆర్వో ను ఆదేశించారు. ఈ సందర్భంగా రైతులతో ఆయన మాట్లాడారు. పాందువ్వ గ్రామానికి చెందిన ప్రతి ఒక్క రైతు సమస్యను పరిష్కారం చేసిన తరువాత మాత్రమే గెజిట్ నోటిఫికేషన్ ఇవ్వడం జరుగుతుందని భూ యజమానులకు జిల్లా జాయింట్ కలెక్టర్ టి.రాహుల్ కుమార్ రెడ్డి భరోసా కల్పించారు.

ఈ సమావేశంలో ఆర్డీవో కె.ప్రవీణ్ కుమార్ రెడ్డి, జిల్లా సర్వే అధికారి కె.జాషువా, డివిజన్ సర్వే అధికారి మల్లికార్జున రావు, ఇంచార్జ్ తహసిల్దార్, కె.సూర్యనారాయణ రాజు, మండల సర్వే అధికారి జి.ఎం.ఎస్ రత్నవల్లి, ఆర్.ఐ.ఆర్ కార్తీక్, విఆర్వోలు, రైతులు, తదితరులు పాల్గొన్నారు.