పెండింగ్ లో ఉన్న జాయింట్ ఎల్ పి ఎం లను త్వరితగతిన పరిష్కరించాలని జిల్లా జాయింట్ కలెక్టర్ టి.రాహుల్ కుమార్ రెడ్డి సంబంధిత అధికారులను ఆదేశించారు

బుధవారం జిల్లా జాయింట్ కలెక్టర్ టి.రాహుల్ కుమార్ రెడ్డి క్యాంప్ కార్యాలయం నుండి రీ సర్వే, హౌసింగ్ ఫర్ ఆల్, పి జి ఆర్ ఎస్ పిటీషన్లు పరిష్కారాలు, తదితర అంశాలపై సంబంధిత అధికారులతో గూగుల్ మీట్ ద్వారా సమీక్షించారు. ఈ సందర్భంగా జిల్లా జాయింట్ కలెక్టర్ టి.రాహుల్ కుమార్ రెడ్డి మాట్లాడుతూ జాయింట్ ఎల్పీఎంలు ఇంకా జిల్లాలో 800 పెండింగ్ ఉండటంపై తహసిల్దార్ లపై ఆగ్రహం వ్యక్తం చేశారు. పెండింగ్ లో ఉన్న జాయింట్ ఎల్పీఎంలకు శనివారం లోపుగా దరఖాస్తులు చేయించాలని అన్నారు. ప్రస్తుతం సబ్ డివిజన్లు అవసరం లేదని భూ యజమానులతో వ్రాయించి దరఖాస్తులు తీసుకోవాలన్నారు. ప్రభుత్వం సబ్ డివిజన్ ఫీజు రూ.500/- మాఫీ చేసినందున రైతులందరూ సద్వినియోగం చేసుకోవాలని సూచించారు. 2వ ఫేజ్ రీ సర్వే గ్రామాలు ఈ నెలాఖరు నాటికి పూర్తి చేయాలని ఆదేశించారు. 3వ ఫేజ్ రీ సర్వే చేస్తున్న గ్రామాలు టైం లైన్స్ ప్రకారం నిర్దిష్ట కాలపరిమితిలో పూర్తిచేయాలని అన్నారు. స్వమిత్వ కూడా మండల సర్వేయర్లుతో తనిఖీ చేయించి, అవసరమైన చోట గ్రామ సర్వేయర్లను నియమించాలని సంబంధిత అధికారులను ఆదేశించారు. ప్రభుత్వం ఆదేశాలు ప్రకారం అర్హులైన లబ్ధిదారులందరికీ ఇండ్ల స్థలాలను మంజూరు చేయాలన్నారు. 2019-24 వరకు లేఅవుట్ చేసి వాటిలో మిగిలి ఉన్న ప్లాట్లు అనువుగా ఉన్నాయా లేవా పరిశీలించి యాప్ లో అప్లోడ్ చేయాలని అన్నారు. ప్రస్తుతం అర్హులైన వారికి ప్లాట్స్ కు సంబంధించి ఇంకా భూమి ఎంత కావాలి, భూమికి ఎంత ఎస్టిమేట్ అవుతుంది సంబంధించిన వివరాలను త్వరితగతిన పంపించాలని సంబంధిత అధికారులను ఆదేశించారు. పెండింగ్ లో ఉన్న
పిజిఆర్ఎస్ పిటిషన్లు అన్ని సంబంధిత అధికారులు ఫిర్యాదుదారులతో స్వయంగా మాట్లాడి తగు పరిష్కారమునకు చర్యలు తీసుకోవాలని సూచించారు. జిల్లాలో కురుస్తున్న భారీ వర్షాలు కారణంగా ప్రజలు, రైతులు, అప్రమత్తంగా ఉండాలని అన్నారు. అధికారులు హెడ్ క్వార్టర్స్ ను వదిలి వెళ్ళకూడదని స్థానికంగా ఉండి ఎప్పటికప్పుడు సమాచారమును తెలుసుకోవాలని ఆదేశించారు. పాతబడిన భవనాలు ఉన్నవారిని సురక్షిత మైన ప్రాంతాల్లో ఉండేలా అధికారులు చర్యలు తీసుకోవాలని సూచించారు. ఎటువంటి ప్రాణ, ఆస్తి నష్టములు జరగకుండా చూడాలన్నారు. వరి పొలాలు ముంపునకు గురైతే కలెక్టర్ కార్యాలయంలో ఏర్పాటు చేసిన కంట్రోల్ రూమ్ కి సమాచారంను అందించాలని జిల్లా జాయింట్ కలెక్టర్ రాహుల్ కుమార్ రెడ్డి సంబంధిత అధికారులకు సూచించారు.

గూగుల్ మీట్ లో జిల్లాలోని ఆర్డీవోలు కె.ప్రవీణ్ కుమార్ రెడ్డి, దాసిరాజు, ఏడి సర్వే కె.జాషువా, జిల్లా పంచాయతీ అధికారి ఎం.రామ్ నాథ్ రెడ్డి, తహసిల్దారులు, డివిజన్, మండల సర్వే అధికారులు, తదితరులు పాల్గొన్నారు.