పిజిఆర్ఎస్ ఫిర్యాదులను నిర్ణీత గడువులోపుగా జిల్లా అధికారుల స్వీయ పర్యవేక్షణలో పరిష్కరించాలని జిల్లా కలెక్టర్ చదలవాడ నాగరాణి ఆదేశించారు.

గురువారం కలెక్టర్ క్యాంప్ కార్యాలయం నుండి జిల్లా కలెక్టర్ చదలవాడ నాగరాణి పిజిఆర్ఎస్ ఫిర్యాదుల పరిష్కారంపై వివిధ శాఖల జిల్లా అధికారంతో గూగుల్ మీట్ ద్వారా సమీక్షించారు. ఈ సందర్భంగా జిల్లా కలెక్టర్ మాట్లాడుతూ జిల్లాలో ఏప్రిల్ 2025 నుండి 10,884 పి జి ఆర్ ఎస్ విజ్ఞాపనలను పరిష్కరించడం జరిగిందన్నారు. పి జి ఆర్ ఎస్ ఫిర్యాదులను సక్రమంగా పరిష్కరించినది, లేనిది లోపాలను గుర్తించడానికి నియమించిన ఫ్రీ ఆడిట్ కమిటీ సభ్యులు 8,515 విజ్ఞాపనలకు సంబంధించి ఫ్రీ ఆడిట్ కమిటీ తనిఖీ నిర్వహించగా 6,429 కేసులు పరిష్కారం సక్రమంగా ఉందని 76% మంది ఫిర్యాదుదారులు సంతృప్తిని వ్యక్తం చేయడం జరిగిందన్నారు. 2,185 ఫిర్యాదులకు సంబంధించి వివిధ కారణాలను తెలుపుతూ సక్రమంగా పరిష్కరించలేదని ఫిర్యాదారుల అభిప్రాయాన్ని ఫ్రీ ఆడిట్ కమిటీకి వెలిబుచ్చడం జరిగింది. వీటిలో ప్రధానంగా సరైన ఎండార్స్మెంట్ ఇవ్వలేదని, ఫోటో సరిగ్గా కనిపించడం లేదని, క్రింది స్థాయి అధికారులకు అప్పగించడం ద్వారా సరిగ్గా పరిష్కారం కాలేదని, సంబంధిత అధికారులు ఫిర్యాదుదారులతో స్వయంగా మాట్లాడలేదని, తదితర అంశాలపై ఫిర్యాదారులు ఫ్రీ ఆడిట్ కమిటీ తనిఖీల్లో అభ్యంతరాలను వ్యక్తం చేయడం జరిగిందన్నారు. జిల్లా అధికారులు వీటిని పునః పరిశీలన చేసి లోపాలను సరిదిద్దాలని ఆదేశించారు. నిర్ణీత గడువులోపుగా ఎట్టి పరిస్థితుల్లో ఫిర్యాదులను నాణ్యతతో పరిష్కరించాలని జిల్లా కలెక్టర్ సూచించారు.

గూగుల్ మీట్ లో పి జి ఆర్ ఎస్ నోడల్ అధికారి వై.దోసిరెడ్డి, వివిధ శాఖల జిల్లా అధికారులు పాల్గొన్నారు.