జోరు వానలో నీట మునిగిన పల్లపు ప్రాంతాలను పరిశీలిన జిలా కలెక్టర్..

గత కొద్ది రోజులుగా ఎడతెరిపి లేకుండా కురుస్తున్న వర్షాలు కారణంగా భీమవరం పట్టణంలో పల్లపు ప్రాంతాల ముంపు..

యుద్ధ ప్రాతిపదిన మున్సిపల్ సిబ్బంది డ్రైయిన్ లలో చెత్తా, చెదారం, అడ్డంకులను తొలగించి నీటి తొలగింపుకు చర్యలు చేపట్టాలి…

భవిష్యత్తులో ఇటువంటి సమస్య పునరావృతం కాకుండా శాశ్వత చర్యలకు ప్రణాళికలను రూపొందించాలి…

… జిల్లా కలెక్టర్ చదలవాడ నాగరాణి.

సోమవారం ఉదయం జోరు వానలో జిల్లా కలెక్టర్ చదలవాడ నాగరాణి సుమారు రెండు గంటల పాటు భీమవరం పట్టణంలోని రజకుల కాలనీ, హౌసింగ్ బోర్డ్, ఇందిరమ్మ నగర్, మెంటేవారి తోట, పిపి రోడ్డు ప్రదేశాలలో భారీ వర్షాలకు నీరు చేరిన లోతట్టు ప్రాంతాలలో కలియతిరిగి పరిశీలించి మున్సిపల్ అధికారులకు అత్యవసర ఆదేశాలను జారీ చేశారు. భవిష్యత్తులో ఇటువంటి సమస్య పునరావృతం కాకుండా శాశ్వత చర్యలకు ప్రణాళికలను రూపొందించాలని ఆదేశించారు. యుద్ధ ప్రాతిపదికన నీరు చేరిన ప్రాంతాల్లోని డ్రైయిన్ లలో చెత్తా,చెదారం, అడ్డంకులను తొలగించడంతోపాటు రోడ్డుకు ఇరువైపులా మెరక ప్రాంతాలను చదువు చేయాలని ఆదేశించారు. ప్రోక్లైన్లను ఏర్పాటు చేసి నిలిచి ఉన్న వర్షం నీటిని తొలగిపోయేందుకు మార్గాలను ఏర్పాటు చేయాలని సూచించారు. నీరు తొలగినచోట చెత్త చెదారం, బురద మట్టిని వెంటనే తొలగించడంతోపాటు, బ్లీచింగ్ చల్లించాలని తెలిపారు. ఏదైనా ఇబ్బందులు ఉంటే మున్సిపల్ కమిషనర్ దృష్టికి తీసుకెళ్లాలని, జిల్లా కేంద్రమైన భీమవరం పట్టణంలో ఇటువంటి పరిస్థితి ఎదురు కాకుండా చూడాల్సిన బాధ్యత మున్సిపల్ ఉద్యోగుల పైన ఉందని, సిబ్బంది అందరూ కలిసికట్టుగా పనిచేసి సమస్యల పరిష్కారానికి కృషి చేయాలన్నారు. తాగునీటిని కూడా క్లోరినేషన్ చేయాలని ఆదేశించారు. పి పి రోడ్ లోని రిలయన్స్ పెట్రోల్ బంకు, గోడౌన్ ల మధ్య ఎన్ హెచ్ రోడ్డుకు ఇరువైపులా నీరు నిలవడంతో కొత్తగా వేసిన రోడ్డు కూడా పాడవడంపై పరిశీలించిన జిల్లా కలెక్టర్ సంబంధించిన అధికారులపై ఆగ్రహాన్ని వ్యక్తం చేశారు. రోడ్లు వేస్తే సరిపోదని, నీళ్లు నిలిచిపోతే రోడ్లు ఉంటాయా అని ప్రశ్నించారు. రోజు వందలాదిమంది ఇదే రోడ్లపై వెళ్తూ ఉంటారని, వర్షాల కారణంగా నీరు నిలవడంతో రోడ్డు దెబ్బతింటే ప్రజలు జిల్లా యంత్రాంగాన్ని నిందించడం జరుగుతుందని, రహదారుల ఇంజనీరింగ్ అధికారులు అలసత్వంగా ఉంటే చర్యలు ఉంటాయని హెచ్చరించారు.

ఈ సందర్భంలో భీమవరం మున్సిపల్ కమిషనర్ కే.రామచంద్రారెడ్డి, సహాయ కమిషనర్ రాంబాబు, మున్సిపల్ ఇంజనీర్ త్రినాథరావు, ఎంహెచ్ఓ సోమశేఖర్, డి ఈ లు, ఏఈలు, హౌసింగ్ బోర్డ్ కాలనీ లోని ప్రముఖులు తదితరులు ఉన్నారు.