జీఎస్టీ అవగాహన ప్రచారంలో భాగంగా స్వదేశీ వస్తువులను ప్రజలు విరివిగా వినియోగించాలని జిల్లా కలెక్టర్ చదలవాడ నాగరాణి పిలుపునిచ్చారు

సూపర్ జిఎస్టి సూపర్ సేవింగ్స్ ప్రచార కార్యక్రమంలో భాగంగా సోమవారం జిల్లా కలెక్టరేట్ ప్రాంగణంలో వాణిజ్య పనుల శాఖ ఆధ్వర్యంలో మూడవ వారం చివరి రోజున ఏర్పాటుచేసిన చేనేత వస్త్రాలు, ఎం ఎస్ ఎం ఈ ఉత్పత్తులు, ఆర్గానిక్ ఉత్పత్తులు, ఎస్ హెచ్ జి మహిళల ఉత్పత్తుల ప్రదర్శనను జిల్లా కలెక్టర్ చదలవాడ నాగరాణి, జిల్లా జాయింట్ కలెక్టర్ టి.రాహుల్ కుమార్ రెడ్డి సంయుక్తంగా తిలకించారు. ఈ సందర్భంగా చేనేత వస్త్రాలు, చెక్కతో తయారు చేసిన హస్తకళల ఉత్పత్తులు, ఆర్గానిక్ వ్యవసాయ ఉత్పత్తులు, పచ్చళ్ళు, పూతరేకులు, చిన్న తరహా పరిశ్రమల ఉత్పత్తుల తయారీదారులతో మాట్లాడుతూ తయారు చేసే విధానమును మరియు చేయటానికి ఎన్ని రోజులు పడుతుంది, ఎంత ఖర్చు అవుతుంది, ఎంతకు అమ్మితే గిట్టుబాటు అవుతుంది అని తదితర వివరాలను అడిగి తెలుసుకున్నారు. శివ పార్వతి, వరలక్ష్మి ఎస్ హెచ్ జి గ్రూపు సభ్యులు తయారుచేసిన పచ్చళ్ళు, వివిధ రకాల పూతరేకులు పరిశీలించి రుచి చూశారు. బీట్ రూట్, క్యారెట్, పాలకూర, మునగాకు, మషాళ, పొన్నగంటి కూర తదితర పదార్థాలతో బెల్లం లేదా కలకండ వినియోగించి పూతరేకులను తయారుచేసి విక్రయించడం జరుగుతుందని తెలిపారు. ఈ సందర్భంగా జిల్లా కలెక్టర్ చదలవాడ నాగరాణి మాట్లాడుతూ కేంద్ర రాష్ట్ర ప్రభుత్వాలు ఎంతో ప్రతిష్టాత్మకంగా తీసుకువచ్చిన జీఎస్టీ 2.0 పై పలు వస్తువులపై ప్రజలకు విస్తృతస్థాయిలో అవగాహన కల్పించాలని అన్నారు. ప్రతి వస్తువుపై తగ్గిన జిఎస్టి రేట్ల గురించి వినియోగదారులకు తెలిసేలా డిస్ప్లే బోర్డులు ఏర్పాటు చేయాలన్నారు. సామాన్యులలో కొనుగోలు సామర్థ్యం పెంచాలని లక్ష్యంతో సామాన్య ప్రజలందరికీ ధరలు అందుబాటులో ఉంచేందుకు జీఎస్టీ 2.0ను అమలులోకి తీసుకు వచ్చిందని పేర్కొన్నారు. ప్రతి ఒక్కరూ ప్రతిరోజు గృహ అవసరాలకు సంబంధించిన వస్తువులను కొనుగోలు చేస్తూనే ఉంటారన్నారు. కొన్ని పథకాలు అర్హులకు మాత్రమే లబ్ధి చేకూరుతుందని కానీ ఈ జీఎస్టీ 2.0 ద్వారా ప్రతి ఒక్కరికి లబ్ధి చేకూరుతుందన్నారు. గత మూడు వారాలుగా పట్టణాలు, గ్రామాల్లో జిఎస్టి తగ్గింపు పై అవగాహన కార్యక్రమాలు చేపట్టడం జరిగిందన్నారు. వస్తువులు కొనుగోలు చేసే సమయంలో ప్రశ్నించేతత్వం వస్తుందన్నారు. ప్రభుత్వం ప్రవేశపెట్టిన జీఎస్టీ 2.0 వచ్చే లాభాన్ని చివరి వ్యక్తి వరకు తీసుకువెళ్లినట్లయితే మనం ఘన విజయం సాధించినట్లే అని జిల్లా కలెక్టర్ చదలవాడ నాగరాణి అన్నారు.

ఈ సందర్భంలో జిల్లా జాయింట్ కలెక్టర్ టి. రాహుల్ కుమార్ రెడ్డి, వాణిజ్య పన్నుల శాఖ డిప్యూటీ కమిషనర్ కె.పి శైలజ, జిల్లా హ్యాండ్లూమ్స్ అధికారి ఏ.అప్పారావు, జిల్లా పరిశ్రమల శాఖ అధికారి యు.మంగపతి రావు, డి ఆర్ డి ఎ పిడి ఎంఎస్ఎస్ వేణుగోపాల్, మనోజ్ వుడ్ వర్క్, కె.ఇల్లిందలపర్రు చింతపర్రు సొసైటీ చేనేత వస్త్రాలు, మంచిలి శ్రీ పద్మ పూతరేకులు, కొమరవరం శ్రీ దుర్గా పచ్చళ్ళు తయారీదారులు, తదితరులు పాల్గొన్నారు.