చేనేత, టెక్స్టై టైల్స్, రెడీమేడ్ ఉత్పత్తులపై జిఎస్టి తగ్గింపుపై ప్రజలకు అవగాహన కల్పించాలి–జిల్లా కలెక్టర్ చదలవాడ నాగరాణి.

ఎస్టీ సంస్కరణల వల్ల తగ్గిన ధరల గురించి ప్రతి ఒక్కరికి అవగాహన కలిగేలా అధికారులు ప్రచార కార్యక్రమాలు నిర్వహించాలి.

సూపర్ జిఎస్టి….సూపర్ సేవింగ్స్ కార్యక్రమం అమలులో భాగంగా జిల్లా కలెక్టరేట్ ప్రాంగణంలో చేనేత, టెక్స్టై టైల్స్, రెడీ మెడ్ ఉత్పత్తులపై ఏర్పాటుచేసిన ఎగ్జిబిషన్ ను శనివారం జిల్లా కలెక్టర్ కలెక్టర్ చదలవాడ నాగరాణి సందర్శించారు. ఈ సందర్భంగా ఎగ్జిబిషన్లో ప్రదర్శించిన చేనేత వస్త్రాలు, భీమవరానికి చెందిన సీఎంఆర్, రేమాండ్స్, ఇభా స్టోర్స్ వారు ఏర్పాటు చేసిన రెడీమేడ్ దుస్తులు, నరసాపురం లేస్ పార్క్ కి చెందిన లేస్ ఉత్పత్తులను పరిశీలించి జీఎస్టీ తగ్గింపునకు ముందు ప్రస్తుత ధర సంబంధించిన వివరాలు అడిగి తెలుసుకున్నారు. ఈ సందర్భంగా కలెక్టర్ మాట్లాడుతూ జిఎస్టీ తగ్గింపు ద్వారా పేద, మధ్యతరగతి వర్గాలకు ప్రతి కుటుంబానికి ఆర్థికంగా కొంత ప్రయోజనం ఉంటుందన్నారు. చేనేత వస్త్రాలు, రెడీమేడ్ దుస్తులుపై జిఎస్టి 12 శాతం నుండి 5 శాతానికి తగ్గింపు ద్వారా పేద మధ్యతరగతి వర్గాలకు సొమ్ము ఆదా అవుతుందన్నారు. చేనేత, రెడీమేడ్, టెక్స్టై టైల్స్ ఉత్పత్తుల ధరల తగ్గుదలపై ప్రజలకు తెలియజేసేందుకు మండల, గ్రామస్థాయిలో కూడా ఎగ్జిబిషన్స్ ఏర్పాటు చేసి అవగాహన కార్యక్రమాలు చేపట్టాలని సంబంధిత అధికారులను కలెక్టర్ ఆదేశించారు. చేనేత కార్మికుల ఆర్థిక పరిస్థితులు మెరుగుపరిచేందుకు ప్రతి ఒక్కరు చేనేత దుస్తులు వినియోగించి వారిని ఆదుకునేందుకు ప్రతి ఒక్కరికి అవగాహన కలిగేలా ప్రచార కార్యక్రమాలు చేపట్టాలన్నారు.

ఈ సందర్భంలో జిల్లా జాయింట్ కలెక్టర్ టి.రాహుల్ కుమార్ రెడ్డి, వాణిజ్య పన్నుల డిప్యూటీ కమిషనర్ కె.పి శైలజ, జిల్లా హ్యాండ్లూమ్స్ అధికారి కె.అప్పారావు, జిల్లా పరిశ్రమల అధికారి యు.మంగపతి రావు, జిఎస్టీ అసిస్టెంట్ కమిషనర్ వి.కేదారేశ్వర రావు, తదితరులు ఉన్నారు.